يعنـ ي أعطيڪ الثقة و تردهـآ بـ لوّي الذرآع !

~


لو خسرتڪ ماخسرت العمر والدنيا متاع ..
وأدري إني لو خسرتڪ ماخسرت إلا القليل ..

بس فڪر زين .. تعرف من خسر فينا وضاع ..
وتعرف إنڪ لو تلف الأرض .. وتدور بديل ..
والله إن تبطي .. و لو لفيت ڪل البقاع ..
ولو تسوي وش تسوي ماأنت لاقي لي مثيل ..

وين تلقى مثل شخصي شخص .. وطباعي طباع ..
ووين تلقى مثل قلبي قلب .. أو مثلي خليل ..

البشر واحد .. نعم .. لڪن فرق الإنطباع ..يجعلڪ يمي تميل .. ويم غيري ماتميل ..

يارفيقي إنتبه ..! وأحسن إلي الإستماع ..
للمواقف دور في ڪشف المزيف .. والأصيل ..
وأنت ماقصرت فيني .. موقفڪ جداً شجاع ..
طعنتڪ بالظهر فعلاً كانت إثبات ودليل ..

بيض الله وجهڪ اللي ساتره تحت القناع ..
ورايتڪ بيضا معاي وياعسى عمرڪ طويل ..

يعني أعطيڪ الثقه وتردها بلوّي الذراع ..
ياخي ماشاالله عليڪ أبدعت في رد الجميل ..

مدري ڪيف أشڪرك ؟؟ مدري ڪيف أرد الصاع صاع ؟..
ڪنت احسب إنڪ عزيز النفس .. تطلع لي ذليل !!..

ڪم وأنا عيت أصدق فيڪ قدر المستطاع ..
من غبائي ڪنت أسڪت وأعذرڪ وأثر الحصيل ؟..

جرح قلب ميزته في ڪل يوم الإتساع ..
ودمع عين ينهمر من ضيقتي .. في ڪل ليل ..

والله إني ڪنت أحبڪ حب .. وأتبعڪ إتباع ..
ڪنت لجل أرضي غرورڪ بس أسوي المستحيل ..

ڪنت أعمى فيڪ .. لالا ڪنت ميت للنخاع ..
ڪنت مدري كيف؟ لڪن ڪنت صادق معڪ حيل ..

ڪنت أمارس في غرامي لڪ سياسة الإنصياع ..
وڪنت لاغي معڪ فڪرة أعتزل أو أستقيل ..

إندفعت بڪل مافيني .. وسوء الإندفاع ..
يجبر الإنسان أحياناً .. يفڪر بالرحيل ..

صدمتي فيڪ إنت .. خلتني أفڪر بإقتناع ..
إن قتل النفس راحه لو أنا ڪنت القتيل ..

إنفجر راسي من التفڪير.. وإزداد الصداع ..
ڪيف أنا بفتڪ من جرحڪ؟؟ و دوشة [ قالٍ وقيل ] ..

صرت سيره في حلوق الناس وتالي هالضياع ..
أنتحر!! معقول ؟؟ يالله وش هذا الغليل ؟؟..

رحمتڪ يارب لامن ضاقت امنحني الوساع ..
إنت حسبي في الزمان الجاير ونعم الوڪيل ..

لاغدى < مستقبلي والماضي > أطراف النزاع ..
وصفحة الماضي سواد وشيء من هذا القبيل ..

فلازم أنسى لجل أنهي بداخلي هذا الصراع ..
ولازم أتقوى , عشان أحقق النصر الجليل ..

وطالما إن الهجوم أفضل وسيله للدفاع ..
مستحيل أرضخ لو إن الحمل ياربعي ثقيل ..

والبخيل اللي نساني وإشترى فيني , وباع ..
يذلف الله لايرده .. والله بجرحي ڪفيل ..

وإن سأل عني .. وجاڪم بعد فترة إنقطاع ..
علموه إني نسيته بس أنا ماني بخيل ..

طالما ڪان السبب في قوتي , قبل الوداع ..بلغوه أقل شيء بخالص الشڪر الجزيل ..

~

.

Roody
مرورك الأروع يآقلبو